काठमाडौँ । दुर्घटना न्यूनीकरणका लागि भन्दै काठमाडौँ उपत्यका ट्राफिक प्रहरी कार्यालय रामशाहपथको संयोजनमा ट्राफिक सप्ताह-२०८२ जारी छ । पुस २५ गतेदेखि सुरु भएको सप्ताह भोलि शुक्रबारसम्म चल्नेछ ।
सोही कार्यक्रमअन्तर्गत आज साँझ माइतीघर मण्डलामा दीप प्रज्वलन कार्यक्रम गरिएको छ । उपत्यका ट्राफिक प्रहरी कार्यालय एसएसपी नवराज अधिकारीले बढ्दो सवारी दुर्घटना न्यूनीकरण गर्न ट्राफिक सप्ताहले सहयोग पुग्ने विश्वास व्यक्त गरेका छन् ।
रात्रि कालिन लामो तथा मध्यम दुरीका सवारीहरूमा एक मिनेटको दुर्घटना न्यूनीकरण सम्बन्धी जनचेतनामूलक वृत्तचित्र प्रदर्शन गर्ने, राइड सेयर एप चालकहरूलाई दुर्घटना न्यूनीकरण सम्बन्धी जनचेतनामूलक कार्यक्रम सञ्चालन गर्ने, भाडाका तथा सार्वजनिक सवारी साधनमा जीपीएस र सीसीक्यामेरा राख्न आवश्यक समन्वय गरेर सप्ताह कार्यक्रम गरिएको छ ।
