काठमाडौँ । चालु आर्थिक वर्षको साउन-मंसिरसम्म ७ खर्ब ६६ अर्ब १८ करोड रुपैयाँको वस्तु आयात भएको छ । भन्सार विभागले सार्वजनिक गरेको मासिक प्रतिवेदनअनुसार आयात १५.८३ प्रतिशतले बढेको छ ।
गत आर्थिक वर्षको तुलनामा चालु आर्थिक वर्षको सोही अवधिमा आयात १५.८३ प्रतिशतले बढेको विभागले जनाएको छ ।
चालु आर्थिक वर्षको पाँच महिनामा निर्यात समेत ५८.१७ प्रतिशतले बढेको छ । विभागका अनुसार १ खर्ब १६ अर्ब ५० करोड रुपैयाँको वस्तु विभिन्न मुलुकमा निर्यात गरेको हो ।
आयात बढेसँगै वैदेशिक व्यापार घाटा पनि बढेको विभागको तथ्यांक छ । पाँच महिनामा ६ खर्ब ४९ अर्ब ६८ करोड रुपैयाँ व्यापार घाटा रहेको विभागले जनाएको छ । नेपालले वस्तु निर्यातभन्दा बढी आयात गर्ने भएकाले व्यापार घाटा हरेक महिना बढ्दो क्रममा छ । गत आर्थिक वर्षको पाँच महिनामा व्यापार घाटा १.५२ प्रतिशत थियो ।
यसअघि मंसिर १९ गते पनि सभापति देउवा र ओलीबीच भेटवार्ता भएको थियो।
