काठमाडौँ । उच्च अदालत तुलसीपुरको बुटवल इजलासले पूर्वडिआइजी छविलाल जोशीलाई पनि आफ्नो बिगो बराबरको धरौटी बुझाए छाड्न आदेश गरेको छ।
बिहीबार अदालतका न्यायाधीशहरू बासुदेव आचार्य र तेजनारायण पौडेलको इजलासले सुप्रिम सहकारीको ठगी मुद्दामा राष्ट्रिय स्वतन्त्र पार्टी (रास्वपा) सभापति रवि लामिछानेलाई छाड्न आदेश दिएको हो।
रवि लामिछानेले आफ्नो भागमा पर्ने २ करोड ७४ लाख ८४ हजार रुपैयाँ बराबरको रकम बुझाएर छुटिपाउन अनुरोध गरेका थिए।छविलालले पनि सोही प्रकृतिअनुसार निवेदन दिएका थिए। तर उनले रकम भने तोकेका थिएनन्।
त्यसकारण उनले जिल्ला अदालत रुपन्देहीमा आफ्नो भागमा पर्ने बिगोको जमानत बुझाएर छुटिपाउन माग गर्नुपर्ने छ।
इजलासले गरेको आदेश भनिएको छ, ‘मेरो हकमा दामासाहीले कायम हुने बिगो बापत जमानत दिई थुनामुक्त गरिपाऊँ भनी जमानतको छायाप्रति सहित अनुरोध गरेको देखिँदा सो समेतको परिस्थितिलाई विचार गरी २०८२ असोज २६ गतेमा भएको सुरु जिल्ला अदालतको आदेश बदर गरिदिएको छ। पक्षले सक्कल प्रमाणसहित निवेदन दिएमा पुनस् विचार गर्नू भनी सक्कल मिसिल सुरु जिल्ला अदालतमा पठाइदिनू।’
बिहीबारको बहसमा छविलाल जोशीको तर्फबाट वरिष्ठ अधिवक्ता शिव प्रसाद गौडेल, अधिवक्ता मनोज कुमार चौधरी र रोचक जोशीले बहस गरेका थिए।
