काठमाडौंको सामाखुसीस्थित मनाङ मस्र्याङ्दी फुटसल कोर्टले यही पुष ५ र ६ गते भव्य रूपमा जेनजी सहिद स्मारक फुटसल प्रतियोगिता आयोजना गर्ने भएको छ । २०७० सालमा स्थापित मनाङ फुटसल कोर्टले जेनजी सहिदहरूप्रति श्रद्धाञ्जली व्यक्त गर्न यो प्रतियोगिता गर्न लागेको हो।

प्रतियोगिताको विजेता टोलीले १ लाख रुपैयाँ नगदसहित ट्रफी र प्रमाणपत्र प्राप्त गर्नेछ भने उपविजेता (द्वितीय) टोलीलाई ४५ हजार ५५५ रुपैयाँ प्रदान गरिने छ । यो राशिले खेलाडीहरूलाई थप प्रेरणा दिनेछ र प्रतिस्पर्धालाई रोमाञ्चक बनाउनेछ ।

अनुमानित कुल खर्च ७ देखि ९ लाख रुपैयाँ रहेको यो आयोजनालाई सफल बनाउन प्रवासमा रहेका शुभचिन्तकहरूको उल्लेखनीय योगदान छ । यूकेबाट राम गुरुङ, हङकङबाट स्यामस्योन गुरुङ र प्रदिप गुरुङलगायतका सहयोगीहरूले आर्थिक तथा नैतिक समर्थन प्रदान गरेका छन् । यस्तो प्रवासी नेपालीहरूको साथले यो प्रतियोगिता अझै व्यापक र अर्थपूर्ण बनेको छ ।

विशेष कुरा के छ भने, प्रतियोगिताबाट खर्च कटाएर बाँकी रहेको रकम सामाजिक कार्यमा खर्च गरिने छ । यो रकमले सहिद परिवारको सहयोग, युवा विकास कार्यक्रम वा अन्य सामुदायिक कार्यलाईनिरन्तरता दिने योजना छ ।#Ktmdainik