काठमाडौँ । राष्ट्र, राष्ट्रियता, धर्म, संस्कृति तथा नागरिक बचाउ महाअभियानका दुर्गा प्रसाईँ र प्रधानमन्त्री सुशीला कार्कीबीच वार्ता सुरु भएको छ ।
सोमबार अपराह्न प्रसाईँ नेतृत्वको समूह र प्रधानमन्त्री कार्की एवं गृहमन्त्री ओमप्रकाश अर्याललगायतसँग वार्ता सुरु भएको हो ।
प्रधानमन्त्रीको सचिवालयका अनुसार प्रसाईँ समूहबाट वार्तामा १९ जना सहभागी छन् ।
केही दिनअघि मात्रै प्रधानमन्त्री कार्यालयले पत्र पठाएर प्रसाईँलाई वार्ताका लागि आह्वान गरेको थियो । प्रधानमन्त्री कार्कीका प्रमुख स्वकीय सचिव आदर्शकुमार श्रेष्ठले पत्र लेख्दै सोमबार छलफलमा बोलाएका थिए ।