काठमाडौँ । नेकपा एमालेका नेता-कार्यकर्ता र जेन जेड पुस्ताका युवाबीच झडप भएपछि बारामा कर्फ्यु आदेश जारी गरिएको छ ।
राष्ट्रिय युवा संघ नेपाल मधेस प्रदेश कमिटीको आयोजनामा बाराको परवानीपुर गाउँपालिका ४ चैनपुरमा हुन लागेको युवा जागरण अभियानमा प्रमुख अतिथिको रूपमा पोखरेल र बस्नेत आउन लागेपछि सिमरामा युवाहरूले विरोध प्रदर्शन गरेका हुन् ।
युवाहरूको विरोध प्रदर्शनपछि स्थानीय प्रशासनले कर्फ्यु आदेश जारी गरेको हो ।
सिमरा विमानस्थल आसपास क्षेत्रमा जेन जेड युवाहरूको प्रदर्शन तथा राजनीतिक दल आबद्ध समूहहरुबीच झडप भइरहेकाले सरकारी सम्पत्ति, पदाधिकारी, कर्मचारी, सरकारी कार्यालय लगायत निजी सम्पत्ति क्षतिथ हुन नदिन एव परिस्थिति थप बिग्रन नदिन कर्फ्यु लगाइएको प्रमुख जिल्ला अधिकारी धमेन्द्र कुमार मिश्रले बताए ।
