काठमाडौँ । सरकारले जेनजेड आन्दोलनका घाइतेलाई थप जनही १५ हजार रुपैयाँ दिने भएको छ । घाइतेहरू फलोअपका क्रममा आउन आर्थिक समस्या परेको गुनासो आएसँगै सरकारले थप आर्थिक सहुलियत गरेको हो ।
मंगलबार बसेको मन्त्रिपरिषद् बैठकले जेन जेड आन्दोलनका घाइतेको उपचारार्थ थप तत्काल जनही १५ हजार उपलब्ध गराउने निर्णय गरेको सरकारका प्रवक्ता तथा सूचना, सञ्चार तथा प्रविधिमन्त्री जगदीश खरेलले जानकारी दिए ।
