काठमाडौं।
काठमाडौं। युवा तथा खेलकुद मन्त्रालयले स्पोर्ट्स मेडिसिन एन्ड रिसर्च सेन्टर सञ्चालन गर्ने भएको छ । त्यसको लागि आवश्यक प्रक्रिया पूरा गर्न डा.अभिषेक राज सिंहको संयोजकत्वमा कार्यदल गठन गरेको छ ।
मन्त्रीस्तरीय निर्णयबाट सिंहको संयोजकत्वमा गठित तीन सदस्यीय समितिमा डा. घनश्याम पाण्डे र राष्ट्रिय खेलकुद परिषदका प्रशासकीय अधिकृत दोबे तामाङ सदस्य छन् । राष्ट्रिय क्रिकेट टिमसँग काम गरिसकेका डा. सिंह पोखरा विश्वविद्यालयबाट मास्टर्स इन हस्पिटल एड्मिनिस्ट्रेसन अध्ययन गर्दाका गोल्ड मेडलिस्ट पनि हुन् ।
कार्यदललाई स्पोर्ट्स मेडिसिन एन्ड रिसर्च सेन्टर सञ्चालनको लागि आवश्यक प्रक्रिया अगाडि बढाउन ९० कार्यदिन तोकिएको छ । यसलाई जेन्जी आन्दोलनपछि युवा तथा खेलकुद मन्त्रालय सम्हालेका मन्त्री बब्लु गुप्ताले खेलाडीको सेवा सुविधा र स्तरोन्नतिका लागि भन्दै प्राथमिकता दिएका हुन् ।
