काठमाडौँ- भारतीय प्रधानमन्त्री नरेन्द्र मोदीले दिल्लीमा सोमबार साँझ भएको विस्फोटमा ज्यान गुमाउनेहरूप्रति समवेदना व्यक्त गरेका छन्।
सोमबार राजधानी नयाँ दिल्लीको लालकिल्ला मेट्रो स्टेसननजिकै कार विस्फोट हुँदा कम्तीमा ८ जनाको ज्यान गएको छ। विस्फोटमा अन्य २४ जना घाइते भएका छन्।
‘दिल्लीमा आज साँझ भएको विस्फोटमा ज्यान गुमाउनेहरूका परिवारप्रति समवेदना व्यक्त गर्दछु। घाइतेहरू छिट्टै निको होउन् भन्ने कामना गर्दछु,’ मोदीले भनेका छन्, ‘प्रभावितहरूलाई सम्बन्धित निकायहरूले सहयोग गरिरहेका छन्। मैले गृहमन्त्री अमीत शाह र अन्य अधिकारीहरूसँग घटनाबारे जानकारी लिइरहेको छु।’
