काठमाडौँ । पर्साका विभिन्न स्थानमा सञ्चालन गरिएको नियमित चेकजाँचका क्रममा बरामद भएका अवैध सामानहरू प्रहरीले नष्ट गरेको छ।
शनिबार स्थानीय जनप्रतिनिधि र सञ्चारकर्मीहरूको रोहबरमा करिब १२ लाख रुपैयाँ बराबरका अवैध पदार्थहरू नष्ट गरिएको हो।
यी सामानहरू पर्सा क्षेत्रका विभिन्न स्थानमा खटिएका प्रहरी टोलीहरूले फरक–फरक समयमा चेकजाँच गर्दा बरामद गरेको प्रहरीले जनाएको छ । पटाकासँगै लागू औषध, मदिरा तथा अन्य निषेधित सामग्री रहेको प्रहरीले जनाएको छ।
