काठमाडौँ । सुनसरीको रामधुनी नगरपालिका-२ मा गोली हानी हत्या भएको छ। प्रहरीका अनुसार रामधुनी नगरपालिका-२ स्थित कर्मन्या टोलको भित्री सडकमा शनिबार साँझ ४७ वर्षका दिनेश चौधरीको गोली हानी घाइते भएको केही बेरमै घटनास्थलमै मृत्यु भएको हो।
मृतक चौधरी सफारी चालक रहेको र उनलाई मोटरसाइकलमा सवार युवाहरूको समूहले गोली प्रहार गरेर भागेको स्थानीयले बताएका छन्। गोली लागेर घाइते उनको केही बेरमै घटनास्थलमै मृत्यु भएको हो। गोली प्रहार गरी फरार भएका समूहको खोजी भइरहेको प्रहरीले जनाएको छ।
