काठमाडौँ- सरकारले सामाजिक सुरक्षा परिचयपत्र अब असोज मसान्तसम्म नवीकरण गर्न पाइने व्यवस्था गरेको छ ।
गृह मन्त्रालयले सामाजिक सुरक्षा नियमावली २०७६ लाई संशोधन गर्दै यस्तो व्यवस्था गरेको हो ।
नियमावलीको नियम ९ को उपनियम १ मा नियम ८ बमोजिमको परिचयपत्र प्रत्येक आर्थिक वर्षको साउन मसान्तभित्र नवीकरणको लागि सामाजिक सुरक्षा भत्ता पाउने व्यक्ति आफैँ उपस्थित भई सम्बन्धी वडा कार्यालयमा निवेदन दिनुपर्ने व्यवस्था थियो ।
संशोधित नियमावलीमा साउन मसान्तभित्र भन्ने शब्दको सट्टा असोज मसान्तभित्र भन्ने शब्द संशोधन गरिएको गृह मन्त्रालयले जनाएको छ ।
