काठमाडौं । राष्ट्रिय स्वतन्त्र पार्टी (रास्वपा) ले रुपन्देही–३ को उपचुनावका लागि विवादित उम्मेदवार डा. लेखजंग थापाको उम्मेदवारी फिर्ता गर्ने तयारी गरेको छ। थापामाथि गोप्य बैठकको अडियो र भिडियो रेकर्ड गरेर पार्टीको गोपनीयता भङ्ग गरेको गम्भीर आरोप लागेको थियो।
३ भदौमा भएको गोप्य बैठकमा थापाले चस्मामा लुकाइएको क्यामेराबाट संवाद रेकर्ड गरेको भन्दै अन्य आठ प्रतिस्पर्धीले लिखित उजुरी दिएका थिए। उक्त उजुरीमा थापाले पार्टी अनुशासन उल्लङ्घन गरेको र प्रविधिको दुरुपयोग गरी पार्टी र अन्य उम्मेदवारको राजनीतिक जीवनमा क्षति पुर्याउने प्रयास गरेको आरोप लगाइएको थियो। उजुरीमाथि छानबिन नगरी रास्वपाले थापालाई उम्मेदवार बनाएको निर्णयले पार्टीभित्र असन्तुष्टि चुलिएको थियो।
स्रोतका अनुसार, आन्तरिक दबाब र बाह्य विवादका कारण रास्वपाले थापाको उम्मेदवारी फिर्ता लिने तयारी गरेको हो। लुम्बिनी प्रदेश इन्चार्ज विपिनकुमार आचार्य र सभापति रवि लामिछाने भेट पछि यो निर्णय गर्ने तयारी गरेकोरास्वपाका एक नेता नेताले बताएका छन् । ।
थापामाथि नागरिक उन्मुक्ति पार्टी (नाउपा)को समानुपातिक उम्मेदवारको सूचीमा रहेर पनि रास्वपाको उम्मेदवारीमा सहभागी भएको र बहुविवाहको आरोपसमेत लागेको छ। यी विवादले उनको उम्मेदवारीमाथि थप प्रश्न उठेको थियो।
