काठमाडौं – नेपाली कांग्रेसका नेता डा. शेखर कोइरालाले आन्दोलनरत उखु किसानका माग पूरा गर्न सरकारसँग माग गरेका छन्।उनले मंगलबार सामाजिक सञ्जालमार्फत् उखु किसानका माग पूरा गर्न सरकारसँग माग गरेका हुन्।
‘कृषिलाई सरकारले प्राथमिकतामा राखेको भनेर किताबमा लेखेर तथा भाषणमा बोलेर मात्रै हुन्छ र ?,’ प्रश्न गर्दै कोइरालाले लेखेका छन्, ‘उखुको बोटसहित किसान सडक आन्दोलनमा आउँनु अत्यन्त दुःखद स्थिति हो।उनीहरुको माग तुरुन्त पूरा गरौँ ।’
खेतीको बेलामा मल नपाउने, खेतमा हुनुपर्ने बेलामा किसान मल किन्न लाइनमा उभिनुपर्ने, उत्पादन भएको दूध सडकमा फाल्नुपर्ने, देशको प्रमुख नगदे बाली उखुमा कहिले भुक्तानी नपाउने र कहिले अनुदान कटौती गरिने कामले खाद्यान्नमा आत्मनिर्भर हुन नसकिने कोइरालाको भनाइ छ।
