काठमाडौं– स्वास्थ्य तथा जनसङ्ख्या मन्त्रालयले आफू मातहतका अस्पताल तथा स्वास्थ्य संस्थाहरूसँग रिक्त पदहरूको विवरण माग गरेको छ ।
पोखरा स्वास्थ्य विज्ञान प्रतिष्ठान सहित विभिन्न २६ वटा स्वास्थ्य संस्थाहरूलाई पत्राचार गर्दै सात दिनभित्र विवरण उपलब्ध गराइदिन अनुरोध गरेको छ ।
‘लोकसेवा आयोगको स्वीकृत वार्षिक तालिका अनुसार आर्थिक वर्ष २०८२-०८३ मा यस मन्त्रालय अन्तर्गत रिक्त पदहरूमा स्थायी पदपूर्ति गर्ने प्रयोजनका लागि आकृति फारम भरी आयोगमा पठाउनुपर्ने भएकाले नेपाल स्वास्थ्य सेवाको एघारौँ र नवौँ तहमा रिक्त पदहरूको विवरण सात दिनभित्र उपलब्ध गराइदिनहुन अनुरोध गरिन्छ’ मन्त्रालयद्वारा जारी पत्रमा भनिएको छ ।
