काठमाडौँ । ११ करोडभन्दा बढी रकम ठगी गरेको आरोप लागेका सिप्रबी सेक्युरिटिजका महाप्रबन्धक जयन्त श्रीवास्तवमाथि प्रहरीले अनुसन्धान सुरु गरेको छ ।
जिल्ला अदालत काठमाडौँबाट तीन दिनको म्याद थप गराई काठमाडौँ प्रहरी परिसरले उनीमाथि ठगी मुद्दामा अनुसन्धान अगाडि बढाएको हो ।
सेयर कारोबारी दीपेन्द्र अग्रवालले सेयर कारोबारको भुक्तानी स्वरूप पाउनु पर्ने ११ करोड ५५ लाख रुपैयाँ नदिएको भन्दै श्रीवास्तवविरुद्ध प्रहरीमा उजुरी दिएका थिए । उजुरीका आधारमा अनुसन्धान सुरु गरिएको एसपी कुलदीप चन्दले जानकारी दिए । उनका अनुसार श्रीवास्तव आफैँ प्रहरी परिसरमा उपस्थित भएका थिए ।
यसअघि अग्रवाल आफैँ पनि यस्तै सेयर कारोबारसम्बन्धी ठगी आरोपमा पक्राउ परेका थिए ।