काठमाडौँ- आफ्नै थातथलो सिन्धुली फर्कने भन्दै हायु परिवार पोखराबाट बिदा भएका छन् ।
हायु परिवारलाई सिन्धुलीको गोलन्जोर गाउँपालिका–६ का वडाध्यक्ष रवीन श्रेष्ठको जिम्मा लगाएर बिदाइ गरिएको जिल्ला प्रहरी कार्यालय कास्कीले जनाएको छ ।
उर्मिला हायुसहितको उनको १९ जनाको परिवारलाई प्रहरी समेतको राहोबरमा पोखरा महानगरपालिकाका मेयर धनराज आचार्यले बिदा गरेका हुन् ।
उनीहरू पोखरा–३ मा रहेको गगनगौंडामा रहेको गोविन्दप्रसाद भण्डारीको घरमा बस्दै आएका थिए ।
गोलन्जोर–६ स्थित आफ्नो घरमा बस्दा परिवारलाई नै क्षति हुने भन्दै आफूहरू त्यहाँबाट हिँडेको उनीहरूले बताउँदै आएका छन् । कोही कसैलाई केही जानकारी नै नराई बाख्रा, भैँसी समेत घरमै छाडेर उनीहरू सर्म्पकविहीन भएका थिए ।
पछि खोजी गर्दा उनीहरू पोखरामा भेटिएका थिए । आफ्नो घरमा नबस्ने बताएका हायुहरूलाई वडाध्यक्ष श्रेष्ठले अर्को घरमा राख्ने बताउँदै आएका छन् ।
