काठमाडौँ । जिल्ला प्रशासन कार्यालय, सिन्धुलीले शनिबार रातिदेखि सोमबारसम्म जिल्लामा भारी वर्षा हुने र नदीहरूमा बाढीको जोखिम बढ्ने भन्दै उच्च सतर्कता अपनाउन आग्रह गरेको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणबाट प्राप्त सूचना अनुसार, आज रातिदेखि साउन ५ गते सोमबारसम्म अत्याधिक वर्षाको सम्भावना रहेकोले सुनकोशी नदी लगायत अन्य नदी किनार र आसपासका क्षेत्रमा बाढीको जोखिम रहेकोले सर्वसाधारणलाई सतर्क रहन आग्रह गरिएको हो।
प्रशासकीय अधिकृत प्रवीण कटवालद्वारा हस्ताक्षरित सूचनामा वि.पी. राजमार्ग तथा मध्य पहाडी राजमार्गमा यात्रा गर्दा विशेष सावधानी अपनाउन भनिएको छ।
