काठमाडौँ- देशकै प्रमुख व्यापारिक केन्द्रका रूपमा रहेको असन बजार प्रवेशद्वारमा निर्माण गरिएको ऐतिहासिक सिंहद्वार (मूर्ति) काठमाडौँ महानगरपालिकाका प्रमुख बालेन्द्र साह (बालेन) ले उद्घाटन गरेका छन् ।
शनिबार आयोजित एक कार्यक्रमकाबीच उनले सिंहद्वार उद्घाटन गरेका हुन् ।
काठमाडौँ महानगरपालिका वडा नं. २७ अन्तर्गत पर्ने कमलाक्षीस्थित असन प्रवेशद्वारमा उक्त सिंहद्वार निर्माण गरिएको छ ।
निर्माण गरिएको सिंहको प्रतिमूर्तिको निर्माण लागत सात लाख रहेको बताइएको छ।
