काठमाडौँ । हास्य कलाकार तथा अभिनेता जितु नेपालले यो वर्षको ‘गाईजात्रा’लाई लक्षित गर्दै हास्यव्यङ्ग्य सामाग्री ‘मुन्द्रेको हास्य व्यङ्ग्य सामाग्री २०८२’ सार्वजनिक गरेका छन् । यो पटक फरक फरक ४ भागमा गाईजात्रे कोसेली सार्वजनिक गर्ने उनको योजना रहेको छ । जसमध्ये पहिलो भाग व्यर्थ मन्त्रीको बजेट भाषणमा ‘गाईजात्रे बजेट भाषण’ मंगलबार सार्वजनिक गरिएको हो ।
व्यर्थ मन्त्रीको बजेट भाषण’मा संसद् भवन भित्रको सभामुख र मन्त्रीको संवाद मार्फत संसद् भवन भित्रको गतिविधिमा ब्याङ्ग्य गरिएको छ । आफ्नो ‘गाईजात्रे कमेडी’ ४ भागमा आउने र प्रत्येक भाग ४–४ दिनको फरकमा सार्वजनिक हुने नेपालले बताए ।
‘यो पटक राजनीति छोडेर संन्यास लिने नेताहरू पनि देखिनेछन्’, नेपालले भने ‘अर्को माता जस्तै महाराज तिर, मन्त्रीको हरिबिजोग र गरुण पुराण पनि प्रवसनका विषय छन् ।’ गाईजात्रा हास्यब्याङ्ग्यको पर्व भएको कारण यसलाई जोगाई राख्न पनि आफूले कमेडी प्रस्तुति बनाएको नेपालको भनाई छ ।
लामो समय स्टेजमा गाईजात्रे कार्यक्रम गरेका नेपालले स्टेज गर्न छोडेपनि ब्याङ्ग्य संस्कृतिलाई बचाई राख्न डिजिटलमा गाईजात्रे कोसेली ल्याएका हुन् ।
‘एउटा केही क्रिएसन पनि हुन्छ र गाईजात्रामा मैले यस्तो बनाएको थिएँ भन्ने पनि रेकर्ड रहन्छ र दर्शकलाई केही रमाइलो पनि मिल्छ भने हेतुले गाईजात्रे कोसेली बनाएको हो’ नेपालले थपे ।
