काठमाडौँ- लुम्बिनीको बजेटप्रति गम्भीर असहमति राख्दै प्रमुख विपक्षी दल नेकपा माओवादी यसको पुनर्लेखन नगरे स्वीकार नगर्ने जनाएको छ ।
माओवादी केन्द्रका प्रमुख सचेतक इन्द्रजित चौधरीले दलहरूबीच भएको छलफल, आवधिक योजना र बजेटरी सिद्धान्त विपरीत आएको बजेट स्वीकार्न नसकिने बताए ।
उनले बजेट पुनर्लेखन नभएसम्म माओवादी केन्द्रले छलफलमा भाग नलिने बताए । सत्तारुढ दलका सांसद र मन्त्रीहरूले नै बजेट पुस्तिका च्यात्ने बताइरहेका सम्बन्धित मन्त्रीहरुबीच चर्को असन्तुष्टी रहेकाले बजेट पुनर्लेखन को विकल्प नभएको चौधरीले बताए ।
प्रदेश सभामा शनिबारदेखि बोलाइएको बजेटमाथिको छलफल सत्तारूढ दलमै विवाद भएपछि शुक्रबार सूचना प्रकाशन गरेर स्थगित गरिएको छ ।
