काठमाडौँ- नेपाली काँग्रेसले आफ्ना कार्यालयहरू प्लास्टिकरहित क्षेत्र हुने घोषणा गरेको छ । सभापति शेरबहादुर देउवाले पार्टीको केन्द्रदेखि वडा तहसम्मका कार्यालय प्लास्टिकमुक्त क्षेत्र हुने घोषणा गरेका हुन् ।
विश्व वातावरण दिवस (जुन ५० अर्थात् २०८२ जेठ २२ गते बिहीबारको दिन देखि लागु हुने गरी कार्यालयहरू प्लास्टिकमुक्त हुने देउवाले आइतबार घोषणा गरेका हुन् । पार्टीको वातावरण विभागले गरेको कार्यक्रममा सभापति देउवाले केन्द्रीय, संघीय र प्रदेशका संसदीय दलको कार्यालय, प्रदेश, जिल्ला, प्रतिनिधि सभा क्षेत्र, प्रदेश सभा क्षेत्र, स्थानीय तह,सबै वडा, भ्रातृ एवं शुभेच्छुक संस्था र विदेश स्थित नेपाली जनसम्पर्क समितिका कार्यालयहरूमा प्लास्टिकरहित क्षेत्र बनाउने बताए ।
देउवाले वातावरणीय प्रदूषण न्यूनीकरण गर्दै लगिने पार्टीको नीति रहेको जानकारी गराए ।
