डडेलधुरा, १३ चैत । खसीको मासु भन्दै बाख्राको मासु बेचेको आरोपमा डडेलधुराबाट एक मासु पसल सञ्चालक पक्राउ परेका छन् ।
आज बिहान ६:०० बजे अमरगढी नगरपालिका-५ तुफानडाँडामा रहेको एम.बी मासु पसलभित्र खसीको मासु भन्दै बाख्राको मासु बेचिएको पाइएपछि प्रहरीले उक्त पसलका सञ्चालकलाई नियन्त्रणमा लिएको हो ।
पक्राउ पर्ने व्यक्ति डडेलधुरा अजयमेरु गाउँपालिका-२ घर भएका पसल सञ्चालक ४५ वर्षका मान बहादुर बोहरा रहेको जिल्ला प्रहरी कार्यालय डडेलधुराका सूचना अधिकारी प्रहरी निरीक्षक उपेन्द्र बहादुर बमले केटिएम दैनिकलाई बताए ।
प्रहरीका अनुसार पसल भित्र अन्दाजी ३१.२२० किलोग्राम तौल भएको बाख्रा काटिरहेको अवस्थामा फेला पारी काटेको बाख्रा सहित उनलाई नियन्त्रणमा लिएर थप अनुसन्धान भइरहेको छ ।
