भद्रपुर । झापाको चन्द्रगढी विमानस्थलबाट बुद्ध एयरको विमानमार्फत काठमाडौं आउँन लागेका दुई युवतीको साथबाट प्रहरीले लागुऔषध बरामद गरेको छ ।
बिहीबार बेलुका ९:१० बजे चन्द्रगढीबाट बुद्ध एयरको जहाजद्वारा काठमाडौं जान लागेका दुई युवतीले भित्री वस्त्रमा लागुऔषध ब्राउन सुगर लुकाएको भेटिएको थियो ।
हेटौडा उपमहानगरपालिका-१ घर भई झापाको मेचीनगर बिवाह गरेकी बर्ष २१ की सोनी श्रेष्ठ राजवंशी र उनको दिदी संध्या श्रेष्ठले भित्री बस्त्र (पेन्टी) भित्र २ वटा प्याडको बिच भागमा प्याड आकारको साइज बनाएर राखेको लागूऔषध ब्राउन सुगर ७६ ग्राम ३४० मिलि ग्राम फेला परेको थियो ।
लागुऔषध फेला परेपछि उनीहरूलाई बिमानस्थल शुरक्षा गार्डमा खटिएको प्रहरी टोलीले नियन्त्रणमा लिएर जिल्ला प्रहरी कार्यालय झापामा बुझाएको हो ।
उनीहरूको साथबाट दुई थान मोबाइल र नागरिकतासमेत बरामद भएको जिल्ला प्रहरी कार्यालय झापाका प्रवक्ता प्रहरी नायव उपरीक्षक खगेन्द्र प्रसाद रिजालले बताए ।