एजेन्सी । भारतीय कंग्रेसका नेता राहुल गान्धीलाई अदालतले दुई वर्षको जेल सजाय सुनाएको छ ।
गुजरातको सुरत जिल्ला अदालतले ४ वर्ष पुरानो आपराधिक मानहानीको मुद्दामा गान्धीलाई २ वर्षको जेल सजाय सुनाइएको हाे ।
राहुल गान्धीले सन् २०१९ मा एक राजनीतिक सभामा ‘किन सबै चोरको थर मोदी हुन्छ ?’ भन्ने अभिव्यक्ति दिएका थिए । यही अभिव्यक्तिलाई लिएर भारतीय जनता पार्टी (बीजेपी) विधायक एवम् गुजरातका पूर्वमन्त्री पुर्णेश मोदीले गान्धीविरुद्ध उजुरी दिएका थिए ।
अदालतले उक्त बयानका आधारमा दोषी ठहर गर्दै इन्डियन पिनल कोड (आईपीसी) को ४९९ र ५०० बमोजिम सजाय सुनाएको भारतीय सञ्चारमाध्यमले जनाएका छन्।
उनलाई अदालतले ३० दिनको जमानत दिएको छ। ३० दिने जमानतको समयमा उनले उच्च अदालतमा पुनरावेदन गर्न पाउनेछन्।