तानसेन । पाल्पामा एक १३ वर्षीया बालिकाले आफ्नै कोठामा झुण्डिएर देहत्याग गरेकी छन् ।
जिल्लाको रम्भा गाउँपालिका-५ बाकुम बस्ने प्रेम सिंह थापाको छोरी बर्ष १३ की आयिशा थापाले आफ्नै घरको सुत्ने कोठामा झुण्डिएर देहत्याग गरेको जिल्ला प्रहरी कार्यालय पाल्पाका प्रवक्ता डिएसपी वीरेन्द्र थापाले बताए ।
हिजो खाना खाएर सुतेकी बालिका आज बिहान अबेरसम्म नउठेपछि बाबुले उठाउनको लागि बोलाउँदा नबोलेपछी झ्यालबाट हेर्दा उनी झुण्डिएको अवस्थामा भेटिएकी थिइन् ।
कोठाको काठको बलोमा सलको पासो लगाई झुण्डिएरको देखेपछि बाबुले प्रहरीलाई जानकारी गराएका थिए ।
प्रहरी चौकी ताहुँ र जिल्ला प्रहरी कार्यालय पाल्पाबाट प्रहरी अनुसन्धान अधिकृत सहितको टोली घटनास्थलमा पुगेर प्रारम्भिक अनुसन्धान कार्य पश्चात शव पोष्टमार्टमको लागि जिल्ला अस्पताल पाल्पामा पठाएको छ ।