बारा । निजगढ नगरपालिका-१३ साँघुस्थित सडकमा ना.२३ प ६२७७ नम्बरको मोटरसाइकल दुर्घटना हुँदा चालकको निधन भएको छ ।
सडक गुडिरहेको मोटरसाइकल अनियन्त्रित भई बुधबार साँझ दुर्घटना हुँदा मोटरसाइकल चालक सोही नगरपालिका बेसीगाँउ बस्ने १८ वर्षीय दिपक विकको मृत्यु भएको जिल्ला प्रहरी कार्यालय बाराले जनाएको छ ।
दुर्घटनामा गम्भीर घाइते भएका उनको चुरेहिल अस्पताल हेटौंडामा उपचारको क्रममा मृत्यु भएको हो ।
दुर्घटनामा घाइते भएका मोटरसाइकलमा सवार अन्य २ जनाको एम्स हस्पिटल रतनपुरमा उपचार भइरहेको छ ।