भक्तपुर । भक्तपुरको लोकन्थलीमा रहेको मझेरी क्याफेका सञ्चालकसहित १६ जना जुवा खेलिरहेको अवस्थामा पक्राउ परेका छन् ।
बुधबार (आज) साँझ भक्तपुरको मध्यपुर ठिमी नगरपालिका-१ लोकन्थली स्थित मझेरी क्याफेमा जुवा (तास) खेल्ने खेलाउने गरेको भन्ने विशेष सूचनाको आधारमा छापा मार्दा प्रहरीले उनीहरूलाई १६ बुक तासहित पक्राउ गरेको प्रहरी परिसर भक्तपुरका प्रवक्ता डिएसपी बसन्त पाठकले केटिएम दैनिकलाई बताए ।
पक्राउ परेका व्यक्तिहरूको साथबाट दुई लाख ४२ हजार ८५० नेपाली रुपैयाँ र ४८ हजार ५०० भारतीय रुपैयाँ समेत बरामद भएको छ । पक्राउ परेका १६ जनामध्ये दुईजना व्यक्तिहरू भारतीय नागरिक हुन् ।
पक्राउ पर्नेमा क्याफे सञ्चालक सिन्धुपाल्चोक चौतरा साँगाचोकगढी नगरपालिका-९ घर भई हाल काठमाण्डौं नरेफाँट बस्ने बर्ष ३९ को दिलिप गिरी, सोही नगरपालिका-१२ घर भई हाल भक्तपुर लोकन्थली बस्ने बर्ष ४९ को टिकाराम गिरी, जुगल गाँउपालिका- ५ घर भई हाल भक्तपुर कौशलटार बस्ने बर्ष ४६ को जित बहादुर विश्वकर्मा रहेका छन् ।
त्यस्तै पक्राउ पर्ने अन्यमा सिन्धुपाल्चोकको त्रिपुरासुन्दरी गाँउपालिका-६ घर भई हाल काठमाण्डौं कोटेश्वर बस्ने बर्ष ३५ को नवराज बोहरा, जुगल गाँउपालिका-१ घर भई हाल भक्तपुर ठिमी बस्ने बर्ष ३२ को सन्तोष श्रेष्ठ, सिन्धुलीको सुनकोशी गाँउपालिका-९ घर भई हाल काठमाण्डौं काँडाघारी बस्ने बर्ष ५८ को कसाङ लामा रहेका छन् ।
त्यस्तैगरी काभ्रेपलान्चोकको मण्डनदेउपुर नगरपालिका-३ घर भई हाल काठमाण्डौं स्वयम्भु बस्ने बर्ष ३८ को शंख बज्र लामा, पाँचखाल नगरपालिका-३ घर भई हाल ठिमी भक्तपुर बस्ने बर्ष ३५ को सन्तोष चौलागाई, नमोबुद्ध नगरपालिका-७ घर भई हाल काठमाण्डौं कोटेश्वर बस्ने बर्ष २९ को सुमन खनाल, नमोबुद्ध नगरपालिका-७ घर भई हाल काठमाण्डौं कोटेश्वर बस्ने बर्ष ३६ को गोपाल कुईकेल रहेका छन् ।
अन्यमा हेटौडा उप महानगरपालिका-१८ घर भई हाल लोकन्थली बस्ने बर्ष ३५ को कृष्ण बहादुर मोक्तान सोही स्थानमा घर भई हाल काठमाण्डौं कोटेश्वर बस्ने बर्ष ३० को विक्रम ब्लोन मोक्तान, दोलखा कालिन्चोक गाउपालिका-३ घर भई हाल भक्तपुर ठिमी बस्ने बर्ष ३९ को कृष्ण बुढाथोकी, रसुवा गोसाईकुण्ड गाँउपालिका-६ घर भई हाल काभ्रे बनेपा बस्ने बर्ष ३९ को छवाङ वाईवा र भारतीय नागरिकहरू हाल ललितपुरको कुपण्डोल बस्ने बर्ष ३२ को मदन मण्डल र बर्ष ३० को सुनिल कुमार रहेको प्रवक्ता गिरीले बताए ।
कानुनमा के छ ?
नेपालको कानुनले जुवातास खेल्नुलाई कसुर मान्दै सजाय समेत तोकेको छ । मुलुकी अपराध संहिताको दफा १२५ मा जुवा खेल्ने मात्र होइन जुवा खेलाउने व्यक्तिलाई समेत सजाय तोकिएको छ ।
उक्त दफा को उपदफा १ को (क) मा भनिएको छ पहिलो पटक जुवा खेल्ने वा खेलाउनेलाई तीन महिनासम्म कैद र वा तीसहजार रुपैयाँसम्म जरिबाना हुन्छ ।
त्यस्तै (ख) मा लेखिएको छ । दोस्रो पटकदेखि जुवा खेल्ने वा खेलाउनेलाई एक वर्षसम्म कैद र पचार हजार रुपैयाँसम्म जरिबाना र त्यसपछिको कसूरमा पटके पिच्छे थप तीन महिनासम्म कैद र दश हजार रुपैयाँसम्म जरिवाना तोकिएको छ ।