काठमाडौं । महान्यायाधिवक्ताको कार्यालयले राष्ट्रिय स्वतन्त्र पार्टीका अध्यक्ष रवि लामिछानेविरुद्ध राहदानी दुरुपयोग मुद्दा नचलाउने निर्णय गरेको छ।
महान्यायाधिवक्ता दिनमणि पोखरेलले लामिछानेलाई उन्मुक्ति दिने निर्णय गरेका हुन्। जिल्ला सरकारी वकिलको कार्यालयबाट सिफारिस भएर आएको प्रतिवेदनअनुसार मुद्दा नचलाउने निर्णय भएको हो।
प्रधानमन्त्रीलाई विश्वासको मत दिने सवालमा लामिछानेले आफ्नो मुद्दा नचलाउने निर्णय हुनुपर्ने लबिइङ गरेका थिए । सोही लबिइङका आधारमा महान्यायाधिवक्ता दीनमणि पोखरेलले मुद्दा नचल्ने निर्णय सोमबार गरेका हुन् ।
अमेरिकी नागरिकको हैसियतमा नेपाल आएर राहदानी लिएको भए पनि लामिछानेलाई मुद्दा नलाग्ने निर्णय जिल्ला प्रहरी परिसर टेकु, जिल्ला सरकारी वकिलको कार्यालय काठमाडौं र उच्च अदालत सरकारी वकिलको कार्यालयले गरेका थिए।
जिल्ला र उच्च अदालतको प्रतिवेदन महान्यायाधिक्ताकहाँ पुगेपछि सोमबार त्यहाँबाट पनि मुद्दा नचल्ने निर्णय भएको हो।