दाङ । ७ वर्षीया बालिकालाई जबरजस्ती करणी गरेको अभियोगमा शान्तिनगर गाउँपालिका-७ बस्ने १७ वर्षीय किशोरलाई बुधबार राति प्रहरीले पक्राउ गरेको छ ।
किशोरले मंगलबार दिउँसो ती बालिकालाई ललाई फकाई सोही ठाउँमा रहेको माध्यामिक विद्यालयको छेउमा लगी जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय खिलतपुरबाट खटिएको प्रहरीले उनलाई पक्राउ गरेको हो ।
जबरजस्ती करणीको आरोप लागेका किशोरको उमेर पनि १८ वर्ष भन्दा कम भएको हुनाले प्रहरीले ती किशोरको नाम सार्वजनिक गरेको छैन ।
नियन्त्रणमा लिइएका बालकमाथि थप अनुसन्धान भइरहेको प्रहरीले जनाएको छ ।