काठमाडौं । ११३ औं अन्तर्राष्ट्रिय नारी दिवसको अवसरमा स्वास्थ्य शिविर सञ्चालन हुने भएको छ ।
सैनिक श्रीमती संघको संयोजकत्व र नेपाल क्यान्सर केयर फाउण्डेशनको सहकार्यमा फाल्गुण २४ गते ललितपुर जिल्लाको गोदावरी नगरपालिका-५ लेलेमा स्वास्थ्य शिविर सञ्चालन हुने भएको हो ।
उक्त शिविरमा पाठेघरको मुखको क्यान्सर तथा स्तन क्यान्सरको चेकजाँच हुने सैनिक जनसम्पर्क निर्देशनालयले जनाएको छ ।
बिहान ०९:३० बजेदेखि अपरान्ह ४:३० बजेसम्म संचालन हुने शिविरमा, स्वास्थ्य परीक्षणका लागि दिउँसो २:०० बजे नाम दर्ता गराउन सकिने निर्देशनालयले जारी गरेको प्रेस विज्ञप्तिमा उल्लेख छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
