काठमाडौं । सन्दीप लामिछाने विश्वकप लिग २ क्रिकेट खेल्न युएई प्रस्थान गरेका छन् । उनी ३ बजेको उडानबाट यूएई प्रस्थान गरेको क्यानका प्रवक्ता दुर्गा पाठकले जानकारी दिए ।
लामिछानेसँगै नेपाल क्रिकेट संघ (क्यान)का कोषाध्यक्ष रोशनकुमार सिंह पनि यूएई प्रस्थान गरेका छन् ।
नेपालले भोलि आफ्नो दोस्रो म्याच आयोजक राष्ट्र यूएईसँग खेल्दैछ । सो म्याचमा सन्दीप सहभागी हुन सक्ने भएका छन् । टीममा रहेका अर्का स्पिनर मौसम ढकाल घाइते भएपछि क्यानले उनको स्थानमा सन्दीपलाई प्रतिस्थापन गरेको हो ।
बलात्कारको आरोपमा उच्च अदालतले धरौटीमा रिहा गर्दा लामिछानेको पासपोर्ट रोक्का गरेको थियो तर सर्वोच्च अदालतले लामिछानेलाई खेल खेल्नको लागि विदेश जान आदेश दिएपछि आइसीसीको अनुमतिसँगै लामिछाने युएई प्रस्थान गरेका हुन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
