काठमाडौं । संयुक्त राष्ट्रसंघको आव्हानमा शान्ति स्थापनाका लागि २१० जना नेपाली सैनिकहरू लेवानान प्रस्थान गरेका छन् ।
आज युनाइटेड इनटरिम फोर्स इन लेबनानमा तैनाथ गोरखबक्स गण (शान्ति सेना) ६३ औं डफ्फालाई बदली गर्नको लागि श्री पुरानो गोरख गण ६४ औं डफ्फाका २१० जना शान्ति सैनिकहरु त्यसतर्फ प्रस्थान गरेका हुन् ।
सेनानी अरुण थापाको नेतृत्वमा नेपाल वायुसेवा निगमको विमानमार्फत मिशन ईलाकातर्फ प्रस्थान गरेको सैनिक जनसम्पर्क निर्देशनालयले जनाएको छ ।
प्रमुख सेनानी अनिल कुमार बुढाथोकीको कमाण्डमा खटिएको उक्त गणका ६४० जना सकलर्दजाहरु यस अगावै मिशन ईलाकामा पुगिसकेका समेत निर्देशनालयले जनाएको छ ।
यस्तै, उक्त मिशनमा तैनाथ श्री गोरखबक्स गण (शान्ति सेना) ६३ औं डफ्फाको अन्तिम टोलीका २१६ जना शान्ति सैनिकहरु प्रमुख सेनानी विकास के.सी.को नेतृत्वमा भोली सोही विमानमार्फत स्वदेश आगमन हुने कार्यक्रम रहेको छ ।