क्रिकेटर सन्दीप लामिछानेलाई धरौटीमा रिहा गर्ने उच्च अदालत पाटनको आदेशविरुद्व परेको रिटको सुनुवाई भोलि शुक्रबार हुने भएको छ ।

उच्च अदालतको आदेशविरुद्व महान्यायाधिवक्ताको कार्यालयले सर्वोच्च अदालतमा रिट दर्ता गरेको थियो । महान्यायधिवक्ताको कार्यालयले सन्दीपलाई रिहा गर्ने आदेश बदर गर्न माग गर्दै कारागारमै राखेर अनुसन्धान गर्न माग गरिएको छ ।

जबरजस्ती करणीमा सन्दीपविरुद्ध प्रहरी वृत्त गौशालामा उजुरी परेपछि २० असोजमा प्रहरीले उनलाई त्रिभुवन अन्तराष्ट्रिय विमानस्थलबाट पक्राउ गरेको थियो ।

यो पढ्न छुटाउनु भयो कि

• . क्रिकेट खेल्न यूएई उडे सन्दीप लामिछाने

• . सन्दीपको पक्षमा बयान दिने युवतीको दोहोरो भूमिका !

• . सन्दीपलाई विदेश जान सर्वोच्चले दियो अनुमति

• . सन्दीप लामिछानेको निवेदनमाथि सुनुवाइ सकियो, आदेश आउँदै

• . सन्दीप लामिछानेको निवेदनमाथि सर्वोच्चमा १५औँ नम्बरमा सुनुवाइ

जिल्ला अदालत, काठमाडौंले लामिछानेलाई असोज १८ गते पुर्पक्षका लागि थुनामा पठाएको थियो । तर, त्यसविरुद्ध लामिछानेले उच्च अदालत, पाटनमा पुनरावेदन गरेपछि उच्च अदालतले पुष २८ गते उनलाई २० लाख धरौटीमा सर्शत रिहा गर्न आदेश दिएको थियो । त्यसअनुसार उनी २९ पुसमा थुनामुक्त भएका छन् ।

लामिछानेलाई उच्च अदालतले पासपोर्ट रोक्का गर्दै विदेश जान रोक लगाएको छ भने काठमाडौंबाहिर जाँदा समेत प्रहरीलाई लिखित जानकारी दिनुपर्ने अदालतको आदेशमा उल्लेख छ ।