दाङको तुलसीपुर कारागारभित्र एक महिला बन्दीमाथि जबरजस्ती करणी भएको छ । गत कात्तिक १७ गते तुलसीपुर स्थित कारागारमा तुलसीपुर उपमहानगरपालिका–६ डुम्रीगाउँका २८ वर्षीय खुमबहादुर चौधरीले ती महिला बन्दीमाथि जबरजस्ती करणी गरेको इलाका प्रहरी कार्यालय तुलसीपुरले जनाएको छ ।
घटना गत कात्तिकमा भएको भए पनि अहिले आएर सार्वजनिक भएको हो ।
इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक पर्वत बहादुर केसीका अनुसार गत कार्तिक १७ गते दिउँसो करिब सवा २ बजेतिर घटना भएको हो । घटना घटेको दिन नै पीडितले इलाका प्रहरी कार्यालय तुलसीपुरमा कारागार प्रशासनको भवन भित्रको भान्सा घरमा जबरजस्ती करणी गरेको भनी जाहेरी दर्ता गरेको र त्यही अनुसार प्रहरीले घटनाको अनुसन्धान गरेर कात्तिक २८ गते सरकारी वकिलको कार्यालय मार्फत जिल्ला अदालतमा मुद्दा पेस गरेको प्रहरी निरीक्षक केसीले बताए ।
पीडित ले जाहेरी दिए पछि चौधरी उपर अर्को जबरजस्ती करणी को मुद्दा चलाइएको छ । घटना घटे लगत्तै पीडक चौधरी लाई घोराही कारागार स्थानान्तरण गरिएको छ भने पीडित लाई तुलसीपुर कारागारमै राखिएको छ । दुवै जना चौकीदार भएकाले बन्दी गृह बाट खाना पकाउने भान्सा कोठा सम्म आऊ जाऊ गर्ने छुट दुवै जना लाई दिइएको थियो । पीडित महिला भान्सा घरमा पानी तताउन आएका बेला बलात्कारको सिकार भएको कुरा अनुसन्धान बाट खुलेको प्रवक्ता केसीले बताए ।
पीडितले भान्सामा पानी तताउन लागेको अवस्थामा पीडक भान्सामा पसेर ढोकाको चुकुल लगाएर मुख थुनेर जबरजस्ती करणी गरेको भन्ने जाहेरीमा उल्लेख छ ।
अभियुक्त चौधरीले जबरजस्ती करणी मुद्दामा नै कैद भुक्तान गरिरहेका छन् महिला ठगी मुद्दामा कैद भुक्तान गरिरहेकी छन् । केसीका अनुसार चौधरीले पहिला पनि जबरजस्ती करणको कैद भुक्तानी गर्दै आएका छन् । अब फेरि कारागार भित्र कैदीलाई जबरजस्ती करण गरेको घटनाले अब फेरि ७ देखि १० वर्षसम्म कैद सजाए हुन सक्छ ।
आरोपी चौधरीले तुलसीपुरको नयाँ बसपार्कमा बलात्कार गरेको पुष्टि भएपछि दाङ जिल्ला अदालतले २०७२ साल मङ्सिर ६ गते ६ वर्ष कैद फैसला गरेको थियो ।
