नेपाल मेडिकल काउन्सिलको लाइसेन्स परीक्षाको नतिजा सार्वजनिक भएको छ ।
काउन्सिलमा चिकित्सक नाम दर्ता लाइसेन्स परीक्षामा ५२ दशमलव ७९ प्रतिशत चिकित्सकहरू फेल भएका छन् । पास हुनेको प्रतिशत ४७.२१ रहेको नेपाल मेडिकल काउन्सिलले जनाएको छ ।
माघ १२ देखि १५ गतेसम्म भएको परीक्षामा मेडिकलतर्फ ४७.११ र डेन्टलतर्फ ४७.६० प्रतिशत उत्तिर्ण भएको काउन्सिलले जनाएको छ ।
मेडिकलको लाइसेन्स परीक्षामा सहभागि एक हजार ८३२ चिकित्सकमध्ये ८६३ जनामात्र पास भएका छन् भने डेन्टलमा सहभागी ४७९ चिकित्सकमध्ये २२८ जना पास भएका छन् ।
कूल दुई हजार ३११ चिकित्सक सहभागी भएकोमा एक हजार ९१ जना पास हुँदा एक हजार २२० जना फेल भएको नेपाल मेडिकल काउन्सिलले जनाएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
