स्वास्थ्य तथा जनसंख्यामन्त्री पदम गिरीले ८/१० हजारमा नर्सलाई काम लगाउने अस्पताललाई कारबाही गर्ने बताएका छन् ।
नेपाल नर्सिङ संघको ६१ औं वार्षिक उत्सव तथा राष्ट्रिय नर्स दिवसका अवसरमा काठमाडौंमा बोल्दै उनले यस्तो बताएका हुन् ।
न्युनतम तलब भत्ता पनि नदिइ श्रम शोषण गर्ने कुरा कुनै पनि हालतमा ठिक नभएकाे बताउँदै उनले त्यस्ता अस्पताल र निजी स्वास्थ्य संस्थाको अनुगमन गरी कारवाही गर्ने बताए ।
उनले नर्सहरुकाे श्रम शोषण गरेकाे प्रमाण भेट अस्पतालकाे नविकरण नगर्नुकाे साथै खारेजसम्म गर्न सक्ने बताए ।
‘ मैले सुने नर्सहरूले ८/१० हजारमा पनि निजी क्षेत्रमा काम गर्नुपर्ने अवस्था छ, यसरी न्युनतम तलब भत्ता पनि नदिइ श्रम शोषण गर्ने कुरा कुनै पनि हालतमा ठिक हुँदैन, त्यस्ता अस्पताल र निजी स्वास्थ्य संस्थाको राम्रोगरी अनुगमन हुनेछ र आवश्यक कारबाही हुन्,। यसमा कुनै सम्झौता हुँदैन तथ्य र प्रमाण भेटियो भने नविकरण नगर्ने र खारेज गर्नेसम्म पनि हुनसक्छ,’उनले भने,’ उनले भने ।