१७ वर्षअघि भक्तपुरमा एक युवकको हत्या गरेर फरार रहेका दुई अभियुक्तहरूलाई प्रहरीले अहिले नियन्त्रणमा लिएको छ ।
२०६२ साल माघ ३० गते चाँगुनारायण नगरपालिका-९ साबिक ताथली गा.बि.स-८ ताथलीमा रहेको गणेश ईट्टा भट्टा नजिकै रहेको कुलो छेउमा एक व्यक्तिको शव भेटिएको थियो ।
उक्त शव रोल्पा घर भई सोही ईट्टा भट्टामा काम गर्ने बर्ष ४१ को कृष्ण योगीको रहेको खुलेको थियो ।
योगीलाई सोही भट्टामा पानी पालेको काम गर्ने र गाडी चलाउने चालक समेतले मिलि शरिरको विभिन्न भागमा चक्कु तथा लौरो प्रहार गरी हत्या गरेको प्रहरी अनुसन्धानमा खुलेको थियो ।
तर हत्या गर्ने दुवै व्यक्तिहरू फरार रहेकोमा शुक्रबार प्रहरी वृत्त जगाती भक्तपुरबाट खटिएको प्रहरी टोलीले लिएको प्रहरी परिसर भक्तपुरका प्रवक्ता डिएसपी राजु पाण्डेले बताए ।
पक्राउ पर्ने काभ्रेपलाञ्चोक मण्डनदेउपुर नगरपालिका-१ बस्ने बर्ष ४० को सुकमान भन्ने कान्छाराम तामाङ र सोही स्थानमा वर्ष ४१ का बहादुर तामाङ रहेको डिएसपी पाण्डेले बताए ।
सुकमान तत्कालिन समयमा उक्त इटाभट्टामा पानी पालेको काम गर्दथे भने बहादुर तामाङ गाडि चालक थिए ।
पक्राउ परेका दुवै व्यक्तिहरुमाथि अनुसन्धान जारी रहेको प्रहरीले जनाएको छ ।