नागरिकतामा प्रश्न उठाउँदै सर्वोच्च अदालतले रवि लामिछानेको सांसद पद खारेज भएपछि उनले सम्हाल्दै आएको गृह मन्त्रालयको जिम्मा प्रधानमन्त्री पुष्पकमल दाहाल प्रचण्डले नै लिएका छन् ।
अमेरिकी नागरिकता त्यागे पनि नेपालको नागरिकता लिने प्रकिया पुरा नगरी पुरानै बदर भएको नागरिकता र सोही आधारमा राहदानी समेत बनाएका लामिछाने बदर भएको नागरिकता अनुसार राष्ट्रिय स्वतन्त्र पार्टी दर्ता गर्दै चितवन-२ बाट सासंद बनेका थिए । सासंद बनेसँगै पुष ११ गते उनी उपप्रधान तथा गृहमन्त्री बनेका थिए ।
लामिछानेले प्रक्रिया नपुर्याएको भन्दै सर्वोच्च अदालतले उनको सांसद पद निलम्बन गरेपछि उनले प्रधानमन्त्री प्रचण्डसमक्ष शुक्रबार साँझ नै राजीनामा बुझाएका थिए ।
राष्ट्रपति कार्यालयले विज्ञप्ति जारी लामिछानेले गृहमन्त्रीबाट राजीनामा दिएको र प्रधानमन्त्रीको सिफारिसमा यो मन्त्रालयको नेतृत्व प्रचण्डले सम्हाल्ने गरी जिम्मेवारी तोकेको जनाएको छ ।
