मंगलबार संघीय संसद भवन अगाडि आत्मदाह गरेका प्रेम प्रसाद आचार्यलाई नायिका करिश्मा मानन्धरले श्रद्धान्जली दिएकी छन् ।
नायिकाले देशमै केही गर्ने चाहना राखेर अगाडि बढिरहेको व्यक्तिले यसरी आत्मदाह गर्नु निकै दुखद् घटना भएको बताएकी छन् । उनले यस घटनाले देशका नीतिनियमहरु समयानुसार सुधार हुनुपर्ने तर्फ संकेत गरेको बताएकी छन् ।
मंगलबार आत्मदाह गरेका ईलाम जिल्लाको सूर्योदय गाउँपालिका बस्ने-४० वर्षीय प्रेम प्रसाद आचार्यको उपचारको क्रममा आज बिहान बर्न अस्पताल कीर्तिपुरमा निधन भएको छ । उनले सरकारको नाममा २५ बुँदे सुझाव पनि दिएका छन् ।
सामाजिक सञ्जाल फेसबुकमा नायिका मानन्धरले जनपक्षीय नीतिको अभावकै कारण आफैँ बलबुतामा केही गर्न चाहने नेपाली नागरिक सबैतिरबाट ऋण र उधारोको मारमा परेर छट्पटाउनु परेको विषयमा सरकार संवेदनशील हुनु जरुरी रहेको जनाएकी छन् ।
यस्तो छ नायिकाको स्ट्याट्स
देश मै केही गर्न चाहनेहरुले यसरी आत्मदाह गर्नु निकै दुखद छ । यस घटनाले हाम्रो देशका नीतिनियमहरु समयानुसार सुधार…
Posted by Karishma Manandhar on Tuesday, January 24, 2023
