सिन्धुली जिल्लामा १४ कठ्ठामा लगाएको गाँजा खेती प्रहरीद्वारा नष्ट गरिएको छ ।

जिल्लाको हरिहरपुरगढी गाउपालिका-७ चिसापानी र काभ्रेको माथिल्लो भेगमा प्रहरी चौकी क्यानेश्वरबाट खटि गएको प्रहरी टोलीले बिहान १० बजेदेखि बेलुका पाँच बजेसम्म गाँजा फँडानी गरेर आगो लगाएर नष्ट गरेको जिल्ला प्रहरी कार्यालय सिन्धुलीका प्रवक्ता डिएसपी हरिकृष्ण के.सी. ले बताए ।

गाँजा तयार हुनै नदिने नीतिअनुसार प्रत्येक वर्षजस्तै यसवर्ष पनि प्रहरीले फडानी कार्यलाई निरन्तरता दिएको प्रवक्ता के.सी. ले बताए । पुष ३० गते सोही वडामा नौ कठ्ठा जग्गामा लगाइएको गाँजा प्रहरीले नष्ट गरेको थियो ।

कतिपयले परबाट हेर्दा अन्य बालीजस्तो लाग्ने गरी गाँजाको खेती गरेको प्रहरीको भनाइ छ। किसानले प्रहरीलाई छल्न नै त्यस्तो उपाय निकालेको हुन्।