चितवनको नारायणी नदीमा आजदेखि क्रुजसिप सञ्चालन हुने भएको छ । तीन तला भएको उक्त क्रुजसिपमा एकपटकमा १८० जना यात्रुहरू सवार हुन सक्नेछन् ।
राईनो वाटर इन्टरटेनमेन्ट प्रा.लि.द्वारा निर्मित राईनो क्रुजसिप करिव दुई वर्ष अगाडि नै परीक्षण सफल भएर सञ्चालनको तयारीमा रहेतापनि कोभिड १९ को महामारि तथा केही नीतिगत व्यावधानका कारणले हालसम्म संचालन हुन सकेको थिएन ।
कम्पनीका कार्यकारी निर्देशक दिपक ढुंगेलका अनुसार माघी पर्वको अवसर पारेर आजदेखि राईनो क्रूजसिप पूर्ण रुपमा व्यवसायीक ढंगले संचालनमा आउनेछ ।
सरकारबाट नारायदी नदीमा ४० किलोमिटर सञ्चालन अनुमति पाप्त गरेको भएतापनि अहिले नदीले बाटो परिवर्तन गरेको, नदिको पानीको सतह वर्षभरिकै न्युनतम अवस्थामा अईपुगेको र ठाउँठाउँमा नयाँ यापिडहरु वनाएको कारणले लामो दुरीमा सञ्चालन गर्न नसकिने कम्पनीले जनाएको छ ।
सामान्यतया बढीमा एक घण्टासम्म क्रुजसिपको शयर गर्नको लागि प्रतियात्रु टिकट रु ७०० रुपैयाँ कायम गरिएको छ । कम्पनीले विभिन्न प्याकेजहरू पनि ल्याएको कार्यकारी निर्देशक ढुंगेलले बताए । उनका अनुसार ब्रेकफास्ट क्रुजिङ, लन्च क्रुजिङ, डिनर क्रुजिङ, इभेन्ट (विवाह, व्रतबन्ध, पास्नी, जन्मोत्सव, वेडिङ एनिभर्सरि) क्रुजिङ र अन्य स्पेसल क्रुजिङका प्याकेजहरू उपलव्ध छन् ।
कोलकताबाट ल्याइएका लाइसेन्स प्राप्त अनुभवी क्याप्टेन द्वारा क्रुजिङ गराउने डबल इन्जिन भएको नर्वेजियन प्रविधि तथा इन्डिया केरलाका प्राविधिकहरुद्वारा निर्माण गरिएको उक्त क्रुजिङमा यात्रा गर्नेहरूको लागि प्रतियात्रु रु दश लाख रुपैयाँको बीमा समेत गरिएको कम्पनीले जारी गरेको विज्ञप्तीमा उल्लेख छ ।