लोकप्रिय राइड सेयरिङ प्लेटफर्म पठाओ नेपालले पशुपतिको घाटका लागि स्वास्थ्य सुरक्षाका सामाग्री सहयोग गरेको छ ।
पठाओ नेपालका प्रबन्ध निर्देशक असिममान सिंह बस्न्यातले उक्त सामग्री कोषका उप- निर्देशक रेवती रमण अधिकारीलाई आज हस्तान्तरण गरेका हुन् ।
कम्पनीले पशुपति क्षेत्र विकास कोषलाई करिब साढे पाँच लाख रुपैयाँ बराबरको सामान सहयोग गरेको पठाओ नेपालको प्रवक्ता सुरक्षा हमालले जानकारी दिइन् ।
दुई थान अक्सिजन कन्सनट्रेटर, १/२ लिटर ह्यान्ड स्यानिटाइजर ५ सय थान, सर्जिकल मास्क ५ हजार थान र अक्सिमिटर २ थान लगायतका सामानहरू कोषलाई सहयोग गरिएको हमालले जानकारी दिइन् ।
कम्पनीले आफ्नो कर्पोरेट सामाजिक उत्तरदायित्व (सीएसआर) अन्तर्गत ‘सञ्जीवनी इनिसिएटिभ’ कार्यक्रमको आयोजना गरी कोषलाई सहयोग गरेको हमालले बताइन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
