नेपाली कांग्रेसका उपसभापति पूर्णबहादुर खड्का र जनमत पार्टीका अध्यक्ष सीके राउतबीच भेटवार्ता भएको छ । खड्कालाई भेट्न राउत उनकै निवास गल्फुटार पुगेका हुन् ।
भेटमा उनीहरूले बधाई तथा शुभकामना साटासाट गरेका थिए । हालैको प्रतिनिधि सभा निर्वाचनमा खड्का सुर्खेत–१ र राउत सप्तरी–२ बाट निर्वाचित भएका थिए ।
भेटमा हालै सम्पन्न प्रतिनिधि सभा र प्रदेश सभा निर्वाचनको समीक्षा तथा नयाँ सरकार निर्माण र सत्ता गठबन्धनमा सहकार्य गर्ने विषयमा छलफल भएको खड्काको सचिवालयले जनाएको छ ।
प्रत्यक्षमा एक सिट जितेको जनमत पार्टीले समानुपातिकमा पाँच सिट गरी कुल छ सिट पाउने पक्कापक्की भइसकेको छ । उनले आज सञ्चारमाध्यमसँग कुरा गर्दै संघ र प्रदेशमा सरकार बनाउन जनमत पार्टी नै निर्णायक हुने बताइसकेका छन् । पछिल्ला दिनहरूमा राउत विभिन्न नेताहरूसँग छलफलमा जुटिरहेका छन् ।
भिडिओ