काभ्रेपलाञ्चोकको धुलिखेलमा पत्रकारको लागि आजदेखि पाँच दिने आवासीय तालिम सुरु भएको छ ।
बागमती प्रदेशको सञ्चार रजिष्टारको कार्यालयले बागमती प्रदेशमा क्रियाशिल पत्रकारका लागि ‘डेटा ड्रिभन पत्रकारिता तालिम’ को आयोजना गरेको हो ।
यो तालिममा मकवानपुर, चितवन, काठमाडौ, ललितपुर, भक्तपुर, रामेछाप, नुवाकोट,सिन्धुपाल्चोक जिल्लामा रहेका कार्यरत पत्रकार सहभागी छन् ।
सरकारी स्तरबाट यस प्रकारको तालिम पहिलो पटक आयोजना गरिएको रजिष्टार रेवती प्रसाद सापकोटाले केटिएम दैनिकलाई बताए ।
यस तालिममा सहभागी पत्रकारहरूले तालिम अवधिभरमा डेटा एनालाइशीस, म्यानेजमेन्ट र भिज्युलाइजेसन सिक्नेछन् । अहिले तालिममा सिकेको कुराहरूले आगामी निर्वाचनको नतिजा आएपछि सोअनुसार समाचार तयार गर्न सहयोग पुग्ने विश्वास लिइएको छ ।
तालिममा अनलाइन, रेडियो, टेलिभिजनमा कार्यरत पत्रकारहरूको सहभागिता रहेको छ ।