तनहुँमा १२ वर्षीया बालिकामाथि जबरजस्ती करणी भएको छ ।
बालिकालाई जर्बजस्ती करणी गरेको अभियोगमा कञ्चनपुर बेलौरी नगरपालिका-६ श्रीपुर हात्तीबजार घर भई तनहुँको शुक्लागण्डकी नगरपालिका-२ हलेदी बस्ने २९ वर्षीय भगवत दास चौधरीलाई सोमबार राति प्रहरीले पक्राउ गरेको छ ।
ती बालिकालाई चौधरीले जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय बेलचौताराबाट खटिएको प्रहरीले उनलाई पक्राउ गरेको हो ।
त्यस्तै बर्दियामा ४० वर्षीया महिलालाई जबरजस्ती करणी गरेको अभियोगमा कैलाली टिकापुर नगरपालिका-९ बस्ने २४ वर्षीय सागर टमटालाई सोमबार राति प्रहरीले पक्राउ गरेको छ ।
ती महिलालाई बर्दिया राजापुर नगरपालिका-४ अनन्तपुरमा सागरले जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय टिकापुरबाट खटिएको प्रहरीले उनलाई पक्राउ गरेको हो ।
सागरलाई आवश्यक कारवाहीका लागि ईलाका प्रहरी कार्यालय राजापुर बर्दियामा पठाइएको छ ।
