डेंगुको आशंकामा अस्पताल भर्ना भएकी राष्ट्रपति विद्यादेवी भण्डारीलाई कोरोना सङ्क्रमण देखिएको छ ।
निरन्तर ज्वरो, टाउको दुख्ने र वान्ता आउने समस्या आएपछि राष्ट्रपति भण्डारी शुक्रबार महाराजगञ्जस्थित त्रिवि शिक्षण अस्पतालमा भर्ना भएकी थिइन्। अस्पतालमा उपचाररत भण्डारीलाई कोरोना पोजेटिभ भएको अस्पतालले जनाएको छ।
त्रिवि शिक्षण अस्पतालका कार्यकारी निर्देशक दिनेशकुमार काफ्लेले राष्ट्रपति भण्डारीलाई कोरोना पोजेटिभ भएको पुष्टि गरे। अस्पतालले राष्ट्रपतिलाई केही दिन अस्पतालमै बसेर आराम गर्न सुझाव दिएको छ ।
यसअघि डेंगुको संक्रमण भएको हुनसक्ने आशंका गरिएको थियो। राष्ट्रपति अस्पतालमा भएको बेला आज तीनवटा विधेयक राष्ट्रपतिद्वारा प्रमाणिकरण गरेको सूचना आएको छ ।