नेकपा (एमाले)का वरिष्ठ उपाध्यक्ष ईश्वर पोखरेलले राज्य सत्ताको अंगहरु काम गर्न नसक्ने भएको दाबी गरेका छन् ।
काठमाडौंमा आयोजित शुभकामना आदान प्रदान कार्यक्रममा बोल्दै उनले राज्य सत्ताका अङग्हरु कसरी प्यारालाईज भएको र सरकारमा भएका व्यक्तिहरुले आफ्नो कार्यभार समाल्ने कुराहरुमा लापारवाही गरेको बताए ।
उनले भने, ‘वास्तवमा राज्य सत्ताका अङग्हरु कसरी प्यारालाईज भईरहेका छन् हामी हेर्दै छौं । अदालतको हालत त्यस्तो छ, कार्यपालिकाको हालत कस्तो छ ? त्यहाँ बस्ने व्यक्तिहरुको अवस्था कस्तो छ ? हामी सबै बुझिरहेका छौ । त्यसैले जे विकृती विसङगति गलत कुरा देखिएका छन त्यसको बारे जनतालाई जानकारी गराउने त्कार्य सबैको हो ।’
यो समस्या राज्यको मात्र नभई राजनीति पार्टीहरुका पनि देखिन थालेको उनको भनाई छ । उनले भने, ‘राजनीति पार्टीहरुको पनि देखिन्छ यो नेता, त्यो नेता, ढिलो निष्कर्ष निकाल्ने यो उचित हुदैन र सहिलाई सहि गलतलाई गलत भन्नुपर्छ ।’
समाज,राज्य र राजनीतिक पार्टीमा जे विकृती विसङगति गलत कुरा देखिएका छन त्यसको बारे जनतालाई जानकारी गराउनु सबैको जिम्मेवारी भएको बताएका छन् ।