नेपाली कांग्रेसका महामन्त्री गगनकुमार थापाले पार्टी सञ्चालन गर्ने कुरामा ढंग नपुगेको बताएका छन् ।
नेपाली कांग्रेस काठमाडौं क्षेत्र नम्बर ४ ले आयोजना गरेको कार्यक्रममा बोल्दै पूर्व स्वास्थ्यमन्त्री समेत रहेका थापाले सबै डेमोक्रेटिक पार्टी चुनावबाट नेतृत्व चयन हुने र त्यँहाभित्र समुहहरु बन्ने बताए । समुहरुको विचमा प्रतिस्पर्धा हुनु संसारभरी चलिआएको कुरा भएकाले कुनै अनौठो नभएको बताए ।
उनले भने, ‘सबै डेमोक्रेटिक पार्टी चुनावबाट नेतृत्व चयन हुन्छ त्यँहाभित्र समुहहरु बन्छ । समुहरुको विचमा प्रतिस्पर्धा हुन्छ तर उनिहरुले एउटा बोटो समाएको हुन्छ । एउटा विधि बनाएको हुन्छ जुनको कारण पार्टी चल्छ ।’
पार्टीभित्रको अन्तरसंघर्षलाई व्यावस्थापन गर्न नजान्दा पार्टीमा झन् समस्या बढ्दै गएकोे उल्लेख गर्दै भने, ‘पार्टी चलाउन सभापतिले पनि जान्नु भएको छैन, मैले पनि ढंग पुर्याउन सकिन ।’
पार्टीभित्र गुट र उपगुट रहेकाले संगठन परिचालन र संञ्चालनमा समस्या आएको समेत बताए ।