मुस्ताङ्बाट काठमाडौं उपत्यकामा च्यांग्रा आइपुगेका छन् । यहाँ आइपुग्दा जिउँदो च्यांग्राको मूल्य प्रतिकिलो एक हजार तीन सयमा बिक्री वितरण भइरहेको व्यापारीहरूले बताएका छन् ।
लेकमा पाइने जडिबुटी खाएर हुर्किएका भेँडाच्यांग्राको मासु स्वादिष्ट र स्वास्थ्यका लागि पनि फलदायी हुने विश्वासले दसैंमा भेँडाच्यांग्राको माग बढी हुन्छ ।
च्याङ्ग्राको तयारी मासु प्रतिकिलो दुई हजार सात सयदेखि दुई हजार आठ सय सम्ममा बिक्री वितरण गर्ने मासु पसल व्यवसायीहरूले जनाएका छन् ।
यस ठाउँमा यो वर्ष करिब सात सय वटा च्यांग्रा बिक्रीका लागि ल्याउने काठमाडौं उपत्यका ल्याउने तयारी रहेको बताइएको छ ।
गत वर्ष पनि कोभिड–१९ का कारण चीनले लामो समयदेखि नाका ठप्प बनाउँदा च्याङ्ग्रा मुस्ताङ आउन ढिला भएको एक दशकदेखि मुस्ताङमा भेडाच्याङ्ग्राको व्यवसाय गर्दै आएका गुन्जा तेन्जिङले बताए ।
सामान्य अवस्थामा व्यापारीहरूले दसैँलाई लक्षित गर्दै तिब्बतबाट च्याङ्ग्रा ल्याउने गरेकामा विगत तीन वर्षयता तिब्बतबाट भेडाच्याङ्ग्रा मुस्ताङ हुँदै नेपालका विभिन्न सहरहरुमा जाने क्रम कम भएको हो ।